غزل کردی کلهری / هسارەگەی شەو

دەسد بیه وە ناو دەسم چەود بخه وە ناو چەوم
لەی ئاسمان چووڵ و تار ت بوو هسارەگەی شەوم

یەی رووژ نەکەیدن ک بچی ت لەیره بیلیدەمه جی
ئەگەر بچی وە شووندەو ئەسریگ نیەمینێ وە چەوم

ژیان و ژینم هەر تنی ◈ یار رەنگینم هەر تنی
نچی لەلام بمین وەلام ◈ باڵا بڵێن چەوکەوم

دۊرید دیرێ کوشیدنم له پا و کوول دی خەیدنم
دوای ک چید دیره سزه ئی گیان پڕ داخ و تهوم

نهمهنیه سهور و تاو م ئهسرینه ههر دو چاو م
چه بوو ک یهی شهو له شهویل ت بایدنه له ناو خهوم

دەسد بیه وە ناو دەسم چەود بخه وە ناو چەوم
لەی ئاسمان چووڵ و تار ت بوو هسارەگەی شەوم

محمد شیربندی